ಒಂದು ಸ್ತ್ರೀಯ ಸರಳವಾದ ಪ್ರಶ್ನೆ:-
************************
ದೇಹ ನನ್ನದು
ಆದರೆ ಅರಶಿಣ ನಿಮ್ಮ ಹೆಸರಿನಲ್ಲಿ...
ಕೈ ನನ್ನದು
ಆದರೆ ಮದರಂಗಿ ನಿಮ್ಮ ಹೆಸರಿನಲ್ಲಿ...
ಬೈತಲೆ ನನ್ನದು
ಆದರೆ ಸಿಂಧೂರ ನಿಮ್ಮ ಹೆಸರಿನಲ್ಲಿ...
ಹಣೆ ನನ್ನದು
ಆದರೆ ಕುಂಕುಮ ನಿಮ್ಮ ಹೆಸರಿನಲ್ಲಿ...
ಮೂಗು ನನ್ನದು
ಆದರೆ ಮೂಗುತಿ ನಿಮ್ಮ ಹೆಸರಿನಲ್ಲಿ...
ಕೊರಳು ನನ್ನದು
ಆದರೆ ಮಾಂಗಲ್ಯ ನಿಮ್ಮ ಹೆಸರಿನಲ್ಲಿ...
ಕೈ ನನ್ನದು
ಆದರೆ ಬಳೆಗಳು ನಿಮ್ಮ ಹೆಸರಿನಲ್ಲಿ...
ಕಾಲು ನನ್ನದು
ಆದರೆ ಕಾಲ್ಗೆಜ್ಜೆ ನಿಮ್ಮ ಹೆಸರಿನಲ್ಲಿ...
ಬೆರಳು ನನ್ನದು
ಆದರೆ ಉಂಗುರ ನಿಮ್ಮ ಹೆಸರಿನಲ್ಲಿ...
ದೊಡ್ಡವರ ಪಾದಗಳಿಗೆ ನಮಸ್ಕಾರ ನಾನು ಮಾಡುವೆ
ಆದರೆ ಅವರ ಶುಭ ಹಾರೈಕೆ "ದೀರ್ಘ ಸುಮಂಗಲಿಯಾಗಿರು"
ಅಂತ ಹೇಳುವುದು ನಿಮ್ಮ ಹೆಸರಿನಲ್ಲಿ...
ಮಗು ನನ್ನದು / ರಕ್ತ ನನ್ನದು / ಹಾಲು ನನ್ನದು
ಆದರೆ ಮಗು ಸಹ ನಿಮ್ಮ ಹೆಸರಿನಲ್ಲಿ...
ಹೀಗೆ ಎಲ್ಲವೂ ನಿಮ್ಮ ಹೆಸರಿನೊಂದಿಗೆ ಬೆರೆತುಕೊಂಡಿವೆ.
ನಮ್ರತೆಯಿಂದ ಕೇಳುತ್ತಿದ್ದೇನೆ,
"ಒಟ್ಟಿನಲ್ಲಿ ನಿಮ್ಮ ಬಳಿ ಏನಿದೆ ನನ್ನ ಹೆಸರಿನಲ್ಲಿ?"
No comments:
Post a Comment